ԳԵՈՐԳԻ ԱՂԱԲԵԿՈՎ ՍԵՐԳԵՅԻ (Գրիգորի Հարությունով)

Գործունեությունը` Զինվորական գործիչ

Բնակավայրը` Ֆրանսիա

Անհատի պաշտամունքի զոհ, խորհրդ. հետախույզ:

Ծնվ. 1895թ., Աշխաբադ:
Մահ. 1938թ., Փարիզ:

Սովորել է Տաշքենդի գիմնազիայում, ավարտել ենթասպաների դպրոցը:

Մասնակցել է Առաջին համաշխ. (1914-18) և Ռուսաստանի քաղաքաց. պատերազմներին (1918-20):
1922-ին ուղարկվել է Թուրքեստանյան պետ. քաղ. վարչության հակահետախուզ. բաժին, ապա՝ որպես գործակալ, ծառայության պետ՝ Բուխարա:
Այստեղ կազմակերպել է հայոց ցեղասպանության կազմակերպիչներից Էնվեր փաշայի (30-հոգանոց թուրք. շտաբի հետ, 1922-ի օգոստ.) սպանությունը (Հ. Մելքումովի ձեռքով):
1924-ին գործուղվել է Քաբուլ,
1926-ին նշանակվել է մշտական գործակալ Թեհրանում,
1928-ին՝ Մոսկվայում Միավորված պետ. քաղ. վարչության Մերձավոր ու Միջին Արևելքի բաժանմունքի պետ:
1929-ին ուղարկվել է Թուրքիա,
1930-ին մեկնել է (անձն, շարժառիթով) Ֆրանսիա:
Սպանվել է ՆԳ ժողկոմի անձնական ցուցումով: